Policia italiane, prej disa orësh është vënë nën kërkim të një 29-vjeçari emigrant shqiptar banues në komunën Brugherio në provincën e Monzës. Rreth mesnatës së kaluar, ai ka plagosur rëndë me armë zjarri një shtetas moldav 36-vjeçar me të cilin kishte lidhje familjare.
Moldavi 36-vjeçar ka marrrë plagë në gjoks e pas një operacioni kirurgjikal në spitalin San Gerardo të Monzës është ende në gjendje të rëndë për jetën.
Ngjarja ka ndodhur në banesën e 29-vjeçarit shqiptar e në prani të dy bashkëshorteve të tyre.
I plagosur moldav ishte xhaxhai i bashkëshortes së shqiptarit e ngjarja ka ndodhur për motive familjare.
Pas krimit 29-vjeçari shqiptar është larguar në bordin e një automjeti tip “Alfa Romeo”.
Policia italian ka informuar për mediat se është vënë në kërkim të tij e se emigranti shqiptar ishte i skeduar nga autoritetet e drejtësisë për vepra penale të mëparshme.
