PESË ORËT/ Kronologjia e një proteste që nisi me lule dhe u mbyll me dhunë (VIDEO)

Opozita zhvilloi protestën e paralajmëruar në bulevardin dëshmorët e kombit, e cila zgjati për 5 orë.

Disa mijëra qytetarë u mblodhën përpara kryeministrisë, për të protestuar kundër qeverisë.

Në mesditë protestës i’u bashkuan edhe liderët e opozitës, Lulzim Basha dhe Monika Kryemadhi të shoqëruar edhe nga aleatët. Sikundër kishin paralajmëruar, ata nuk mbajtën fjalime politike, pasi sipas tyre kjo ishte një protestë e qytetarëve.

Por në këtë tubim nuk munguan edhe incidentet.

Fillimisht një grup protestuesish i vunë flakën një pankarte që mbanin në duar, ku kërkohej largimi i Edi Ramës.

Kaq ka mjaftuar që disa prej tyre, kryesisht të rinj pasi çanë kordonin e policisë dhe hipën mbi skelën mbrojtëse.

Te tjeret me mjete te forta thyen xhamin e derës kryesore ndersa hodhën tyemuese dhe bomba molotov.

Policia e gjendur brenda në katin e parë të Kryeministrisë është kundërpërgjigjur duke lëshuar ujë drejt protestuesve të dhunshëm.

Për të shpërndarë protestuesit dhunues forcat e Gardës së Republikës të vendosura mbi godinën e kryeministrisë kanë hedhur gaz lotsjellës.

Pas gazit lotsjellës protestuesit nuk kanë mundur të rezistojnë dhe janë larguar.

Turma eshte rikthyer disa here ne shkallet e kryeministrise duke tentuar hyrjne ne ambjentet e brendshme.

Nderkohe eshte demtuar edhe instalacioni i kerpudhes, veper e nje artisti te huaj.

Për gjatë gjithë kohës kreu i PD Lulzim Basha, ish kryeministri Sali Berisha dhe kryetarja e LSI , Monika Kryemadhi kanë qëndruar në krah të protestuesve por pa i ndaluar ata në aktet e dhunës.

Madje ata hodhën edhe akuza ndaj policë për provokime.

Në përfundim, teksa edhe protestuesit u rralluan në numër, lideri demokrat Lulzim Basha njoftoi mbylljen e protestës, por i paralajmëroi se tubimi i radhës do të jetë ditën e entje para parlementit.(Vizion Plus)