PËRURIMI I BIDEN SI PRESIDENT/ Mësoni 4 arsye pse ceremonia do të jetë ndryshe, si kurrë më parë

20 January, 2021 s.autor Botë, Nderkombetare

Presidenti i zgjedhur i Shteteve të Bashkuara të Amerikës, Joe Biden, do të përurohet këtë të mërkurë (20 janar) në një ceremoni që do të shënojë zyrtarisht fundin e udhëheqjes së Donald Trump. Por ceremonia e përurimit, e cila do të nisë në orën 5:30 pasdite (me orën tonë lokale) do të jetë ndryshe nga ato të mëparshmet.
Njerëzit

Turmat e mëdha që normalisht qëndrojnë në Washington DC për përurimin presidencial mund të duken ndryshe këtë vit, për shkak të distancës sociale që pritet të zbatohet që të frenohet përhapja e Covid-19. Këtë vit, komiteti presidencial i inagurimit të Biden po inkurajon njerëzit të bashkohen virtualisht, “duke nxitur publikun të mos udhëtojë dhe të marrë pjesë në aktivitetet inauguruese nga shtëpia”.

Mungesa e Donald Trump

Donald Trump është presidenti i katërt amerikan që bojkoton përurimin e pasardhësit. Tradicionalisht, presidentët marrin pjesë në ceremoni si simbol i dorëzimit të pushtetit udhëheqësit të ardhshëm.

Trump është presidenti i katërt amerikan që bojkoton përurimin e pasardhësit dhe i pari që e bën këtë që kur Andrew Johnson refuzoi të merrte pjesë në ceremoninë e Ulysses S. Grant në vitin 1869.

Siguria

Një përurim presidencial është gjithmonë një ngjarje e sigurisë së lartë, me zyrtarë të sigurisë që deklarojnë se përgatitjet kanë qenë duke u zhvilluar për një kohë të gjatë. Rreth 25,000 anëtarë të Gardës Kombëtare do të jenë të pranishëm në Washington DC për ceremoninë, me Pentagonin që ka verifikuar anëtarët për çdo lidhje me ekstremistët.

Nderimi i viktimave

Tema e inaugurimit të këtij viti është “Amerika e Bashkuar”, njoftoi komiteti i përurimit, duke deklaruar se presidenti i ardhshëm SHBA-së është i përkushtuar për “shërimin” dhe “bashkimin e vendit”. Viktimat e Covid-19 u nderuan një ditë para inagurimit, në një ceremoni pranë Lincoln Memorial. Biden përkujtoi më shumë se 400,000 amerikanë që ndërruan jetë nga koronavirusi. Joe Biden dhe bashkëshortja, Jill, Kamala Harris dhe bashkëshorti Doug Emhoff, qëndruan përpara 400 dritave në nder të 400,000 viktimave.