“Policia krijoi kushtet dhe mori masat për tubimin. Manifestimi i presupozuar paqësor, u shndërrua në sulm ndaj policisë nga grupe individësh të papërgjegjshëm, në përbërje gjendeshin edhe elementë me të shkuar kriminale dhe me rrezikshmëri kriminale”
Me këtë deklaratë, Ministri i Brendshëm, Fatmir Xhafaj, theksoi se në protestën e Rrugës së Kombit kishte disa persona të dënuar më pare me precedent penal. Policia tashmë disponon identitetet e disa prej personave të dënuar. Mësohet se janë disa persona me precedent të mëparshëm penal dhe të rrezikshëm pjesë e hetimeve intensive për ngjarjen.
Mes tyre është edhe Shinjaz Basha që shohim në këtë foto, I cili rezulton se është dënuar për vjedhje dhe krime seksuale. Në foto Basha dallohet teksa qëndron mes protestuesve dhe mendohet se ka qenë ndër personat më aktiv gjatë protestës.
Pikërisht në skedën e tij personale Policia ka zbuluar të shkuarën e errët të Shinjaz Bashës. Një I dënuar për vjedhje dhe krime seksuale është një ndër personat që ka marrë pjesë në dhunën e ushtruar ndaj oficerëve të policisë dhe në djegien e 4 kabinave, I cili proteston kundër vendosjes së taksës.
