116 persona është numri i shqiptarëve që janë shpallur në kërkim ndërkombëtar.
Në bazë të të dhënave nxjerrë nga Interpol Shqipëria ka numrin më të lartë të këtyre personave krahasuar me vendet e tjera të Europës.
Pjesa dërmuese e tyre janë shpallur në kërkim ndërkombëtar për llogari të vendit tonë.
E pjesa tjetër kuptohet se është shpallur në kërkim për llogari të vendeve ku shqiptarët kanë kryer krimet.
Shqipëria kryeson të gjithë vendet e tjera të Europës, siç u tha edhe më lart.
Më pas renditet Bosnja me 99 persona të shpallur në kërkim, Bullgaria me 50 persona, Rumania me 48 dhe Francës me 28 persona në kërkim.
Kujtojmë këtu se ditën e djeshme nga Gjermania u ekstradua drejt vendit tonë 56 -vjeçari Byniamin Hajro.
Ky i fundit ishte shpallur në kërkim ndërkombëtar, pasi gjykata e Vlorës e kishte dënuar me 25 vite burg për eliminimin e dy të rinjve.
