Presidenti Ilir Meta ka nisur pushimet dhe ato po kalon në jug të Shqipërisë. Gjatë këtyre ditëve nuk kanë munguar postimet të ndryshme në rrjetet sociale me mesazhe të ndryshme të kreut të shtetit.
“Mirëmëngjes nga Piluri, Ballkoni i Bregdetit! Uroj një të dielë të mbarë për të gjithë ju!”, është mesazhi i presidentit në ditën e sotme që e shoqëron me fotot në zonën më të lartë të fshatit.
Një ditë më parë, kreu i shtetit dha një mesazh tjetër, duke folur për kështjellat e pamposhtura.
“Shumë i lumtur të jem sot në Pilur të Himarës, në këtë kështjellë të pamposhtur të patriotizmit dhe simbol të bukurisë natyrore shqiptare, për të vlerësuar Kapedanët e Bregut dhe Luftës së Vlorës, por dhe disa nga emblemat e polifonisë sonë të mrekullueshme”, do të shkruante në faqen zyrtare në Facebook.
