Mediat britanike raportojnë se problemet mes Mourinho-s dhe Manchester United nuk kanë fund.
Pas mosmarrëveshjeve për merkaton e verës, përplasjeve për Pogba-n, tani trajneri dhe drejtuesit janë vënë ballë për ballë për një tjetër futbollist.
Sipas Starsport, Mourinho i ka bërë kërkesën e radhës drejtorit ekzekutiv Ed Woodward për të shitur Anthony Martial përpara se të mbyllet merkato europiane në fundjavë.
Mourinho nuk mendon se Martial ka cilësitë e duhura për të vazhduar tek United dhe kërkon t’ia shesë klubit që do të ofrojë më shumë.
Paratë e fituara nga Martial ai pritet t’i investojë në merkaton e janarit. Or Woodward nuk është dakord me trajnerin dhe ai refuzon ta shesë Martial, dhe mund të ndërrojë mendje vetëm nëse vjen një ofertë marramendëse.
