Presidenti i Republikës Ilir Meta i ftuar mbrëmjen e sotme në emisionin “Real Story” të Sokol Ballës foli për negociatat me Greqinë dhe dhënien e plotfuqishmërisë për vijimin e tyre.
Kreu i shtetit nuk mendon se presidenca e qeveria kanë përplasje. Duke folur për këto institucione që nga viti 1991 e më pas, Meta është shprehur se ‘Presidenti nuk ka qenë problem ndonjëherë, por vetëm kur presidenti ka qenë dhe kryeministër’.
Meta tregoi edhe një rast, në marrëdhëniet e tij me presidentin Rexhep Meidani, kur ai ishte kryeministër.
‘Kur unë kam qenë kryeministër dhe president ka qenë Rexhep Meidani, kam pasur marrëdhënie shumë të mira. Aq të mira sa kur shkova për ti dhënë dorëheqjen, ai nuk e pranonte.
Unë ika pak me të shpejtë që të mos qëndroja gjatë dhe ja bëra fakt të kryer’, u shpreh Meta.
