Ministrja e Arsimit, Evis Kushi po shoqëronte kryeministrin Edi Rama në Elbasan, në momentin që ai u prit me brohorima nga militantët e PD-së.
Gjatë fjalës për mediat, Kushi komentoi incidentin duke thënë se kjo ishte një ngjarje që nuk ka ndodhur asnjëherë.
Sipas saj, populli i Elbasanit është i mençur dhe do të dijë që ta bëjë diferencën mes atyre që punojnë dhe atyre që provokojnë.
“Sot ndodhi një ngjarje që asnjëherë nuk kishte ndodhur. Kjo është e turpshme jo vetëm sepse është ditë feste, por edhe në ditë të zakonshme. Populli i Elbasanit është i mençur dhe di ta bëjë diferencën mes atyre që punojnë dhe atyre që provokojnë”,- tha Evis Kushi.
