Policia e Elbasanit ka dhënë informacion për përplasjen me armë zjarri në Elbasan. Sipas Policisë ngjarja ka ndodhur në orën 01:15, në lagjen “Luigj Gurakuqi” ku është qëlluar me armë zjarri në drejtim të shtetasit K. P., 23 vjeç. Ky i fundit ndodhet jashtë rrezikut për jetën. Policia njofton se për këtë ngjarje janë shoqëruar disa persona.
Njoftimi i Policisë:
Rreth orës 01:15, në lagjen “Luigj Gurakuqi”, Elbasan, është qëlluar me armë zjarri në drejtim të shtetasit K. P., 23 vjeç, banues në Elbasan, i cili si pasojë është plagosur dhe ndodhet jashtë rrezikut për jetën.
Grupi hetimor vijon punën për zbardhjen dhe sqarimin e rrethanave të ngjarjes, identifikimin dhe kapjen e autorëve.
Njëkohësisht vijon administrimi i çdo prove sado të vlefshme që çon në zbardhjen e ngjarjes. Shërbimet e Policisë kanë shoqëruar disa persona për sqarimin e rrethanave të ngjarjes. Vijon krehja e zonës dhe nga veprimet e para hetimore ka rezultuar se nuk ka pasur shkëmbim me armë zjarri mes palëve.
