Policia greke ka dalë me një komunikim zyrtar, lidhur me ngjarjen e djeshme, ku Gardjan Mirukaj nga Lezha, theu pikat kufitare të Qafë Botës dhe Mavomatit dhe u fut ilegalisht në Greqi.
Autoritetet greke kanë thënë se, “shqiptari ishte duke drejtuar makinën pa targa, kur ka kaluar pikën kufitare të Mavromatit, duke anashkaluar të gjitha procedurat ligjore për hyrjen e tij në vend.
Makina është ndjekur nga forcat e policisë dhe në momentin që është tentuar për t’u neutralizuar në qytetin e Igumenicës, i dyshuari ka përplasur me makinën e tij dy automjete policie, duke i shkaktuar dëme.
Më pas ai u arrestua pasi fillimisht tentoi të arratisej. Ndaj tij u ngritën akuzat “kalim i paligjshëm i kufirit” dhe “dhune ndaj punonjësve zyrtare”.
