Një aksident i rëndë ka ndodhur në aksin Lezhë-Shkodër, në afërsi të kryqëzimit të Karriqit. Dy makina janë përplasur kokë më kokë me njëra tjetrën dhe për pasojë kanë mbetur të plagosur rëndë katër persona. Dyshohet se shkak është bërë parakalimi i gabuar i njërës prej makinave. Policia dhe zjarrfikësja kanë mbërritur në vendin e ngjarjes.
Ndërkohë që një një këmbësor ka mbetur i plagosur rëndë, pasi u përplas nga një automjet në superstradën Lezhë-Laç, nga një tjetër aksident. Aksidenti ndodhi paraditen e së premtes në afërsi të kryqëzimit të Rrilës, ndërsa i plagosuri është dërguar me urgjence në spitalin e Traumes në Tiranë nga ku mësohet se ndodhet në gjendje të rëndë për jetën.
Nga të dhënat paraprake bëhet e ditur se ndërprerja e menjëhershme e rrugës nga këmbësori është bërë shkak për aksidentin, ndërsa drejtuesi i automjetit është shoqëruar në polici për sqarimin e rrethanave të ngjarjes.
