Deputeti i opozitës Andi Përmeti është përplasur me kreun e Kuvendit Gramoz Ruçi në fillim të seancës plenare të ditës së sotme, pasi ka kërkuar që seancat të jenë më të gjata dhe deputetët të kenë më shumë kohë për të folur.
Nga ana tjetër Ruçi i ka thënë se është një kërkesë e gabuar dhe se do të respektohen vendimet e ekspertëve, ndërsa theksoi se numri i shtrimeve dhe infektimeve nga Covid është shumë më i lartë se në pikun e pandemisë. Kësisoj Ruçi tha se Kuvendi duhet të jetë shembull për qytetarët, për respektimin e masave kundër Covid.
Pjesë nga fjala e Ruçit dhe Andi Përmetit:
Andi Përmeti: Kemi më shumë se dy javë që nuk kemi senacë të jashtëzakonshme dhe skemi të drejtë fjale.
Kjo është tallje. E kuptoj situatën e vështirë të Covidit por ne këtu futemi në një sallë vetëm me kondicioner dhe 4 ose 5 orë, dhe unë dëgjoj të thotë një mjek se nëse rrini 4 ose 5 orë nuk sëmureni dhe më shumë se 5 ose 6 sëmurëeni ky është absurditet. Rrimë dëgjojmë Ramën që flet 2 orë. Kurse ne vetëm votojmë. Dua të riktheni diskutimin për çdo ligj në këtë sallë. Nëse ngremë vetëm kartonat ky është si Kuvendi i para 90.
Ruçi: E ke shumë gabim. Po të respektoj se je pjesë e parlamentit. Unë më shumë respektoj vendimin e ekspertëve. Parlamenti i shqipërisë nuk bën asgjë më pak se çbëjnë parlamentet e tjera.
Mos harro se në këtë sallë ju bashkë me mua keni miratuar disa akte që janë në fuqi. Nëse në pikun e epidemisë ishin 30 ose 40 të shtuar sot janë 70 ose 80. Numri i të infektuarve është rritur. Shembulli më i mirë për shqiptarët duhet të jemi ne për të zbatuar masat e rekomanduara nga ministria. Me të drejtën e fjalës duke shpërdoruar fjalën ne japim mesazhin më të gabuar.
