Forcat e Armatosura kanë evakuar 17 familje që rrezikohen nga përmbytja e lumit Vjosa në Vlorë.
Po ashtu edhe një familje është evakuuar në Ferras të Fierit dhe është shoqeruar në qendrën e rehabilitimit. Mes 4 anëtarëve mësohet se është edhe një e moshuar, e verbër.
Më herët Ministria e Mbrojtjes bëri me dije se Shtabi i Emergjencave ka zhvilluar një takim për të diskutuar mbi ndërhyrjet dhe masat e nevojshme për të përballuar situatën e krijuar në këto zona, ku më problematikja mbetet Novosela dhe Ferrasi në të cilën ka nisur edhe evakuimi i disa familjeve.
Lumi Shkumbin po ashtu ka dalë nga shtrati në disa zonë, si pasojë e prurjeve të shumta si rezultat e reshjeve të dendura të shiut. Për pasojë janë përmbytur disa zona bujqësore.
