Deputetja e Vlorës, Nada Meçorapaj po ndjek situatën nga përmbytjet në këtë qark. Situatë emergjente është në Bashkinë e Selenicës, ku rrezikon të shembet Ura e Gjormit. Shkak për shembjen e Urës është marrja pa kriter e inerteve prej firmës “Arifaj”, e cila po ndërton rrugën e Lumit të Vlorës.
Shkak për situatën e krijuar dhe rrezikun për shembjen e Urës është marrja pa kriter e inerteve.
Në disa njësi të Bashkisë së Selenicës, në Sevaster, Brat, dhe një pjesë e Vllahinës, mungon energjia elektrike që mbrëmjen e të mërkurës. Gjithashtu, ka rrëshqitje dherash në disa rrugë që lidhin fshatrat, ndërsa aksi Velçë-Selenicë është i bllokuar.
Deputetja Nada Meçorapaj, dhe kryetari i Bashkisëk Përparim Shametik i kërkojnë qeverisë qëndrore të ndërhyjë për normalizimin e situatës.
Deri tani situata është përballuar nga mjetet e bashkisë, por nëse reshjet vazhdojnë të jenë të dendura, siç janë parashikimet, situata rrezikon të bëhet e papërballueshme.
UPDATE/ Ne Shkoder Forcat e FNSH te qytetit dhe strukturat vendore te Policise kane nderhyre dhe kane shpetuar 2 persona te cilet po rrezikoheshin nga dalja e lumit Kir ne fshatin Bardhaj.
Ja gjendja në Vlorë
Kushtet e rënduara të motit kanë sjellë edhe mungesë të energjisë elektrike në 3 fshatra të Vlorës. Mungesa e energjisë ka sjellë edhe mosplotësimin me ujë të papijshëm po për të tre këto fshatra.
Ujsjellësi i Vlorës ka bërë me dije në një njoftim për shtyp se ka rezerva uji për të furnizuar Orikumin, por në mungesë të energjisë elektrike, nuk mund të furnizohet me ujë e gjithë qyteza.
Njoftim
Për shkak të kushteve të rënduara të motit dhe erës me forcë të madhe në zonën e Orikumit, prej orës 24:00 të mbrëmjes së kaluar, Orikumi, Tragjasi dhe Radhima nuk po furnizohen me energji elektrike. Kjo situatë ndikon edhe në furnizimin me ujë të pijshëm të banorëve të këtyre zonave. Ujësjellës Kanalizime, ka rezerva uji për të furnizuar Orikumin, por në mungesë të energjisë elektrike, nuk mund të furnizohet me ujë e gjithë qyteza. Ujësjellës Kanalizime do të nis furnizimin me ujë për këtë zonë si zakonisht, në orën 15:00 të ditës së sotme. Por, në mungesë të energjisë elektrike, do të furnizohet vetëm 50% e Orikumit, thënë ndryshe me ujë do të furnizohen linjat e shtëpive private dhe katet e para dhe të ulta të pallateve. Nëse energjia elektrike do të rikthehet sa më shpejt, atëherë me ujë të pijshëm do të furnizohet i gjithë Orikumi, Tragjasi dhe Radhima. Gjithcka varet nga energjia elektrike.
Moti i keq, del nga shtraci ‘Shushica’, evakuohen 3 familje
Updade/ Si pasojë e prurjeve të mëdha të lumit nga reshjet e dendura të shiut 3 familje janë evakuuar në Fshatin Risili. Lumi i Shushicës mësohet se ka dalë nga shtrati dhe për pasojë janë rrezikuar 3 shtëpitë e familjeve.
Përkeqësimi i motit/ Rrëshket stogu i kromit, Bulqiza mbetet pa ujë të pijshëm
Reshjet e mëdha në të gjithë vendin kanë dhënë edhe efektet e para negative. Pas dëmtimit të çatisë në spitalit në Pukë, si pasojë e motit Bulqiza rrezikon të mbetet pa ujë të pijshëm.
Një sasi stogu kromi ka rrëshqitur në zonën D në Bulqizë cka ka sjellë rrezik në tubacionin e ujit të pijshëm. Ky ishte tubacioni kryesor që furnizon qytetin e Bulqizës me ujë të pijshëm.
Nga momenti në moment rrezikohet të ketë edhe rrëshqitje masive të tjera, pasi kjo është një zonë e rrezikshme ndaj rrëshqitjeve.
Menjehere kane mberritur prane defektit edhe punonjesit e ujesjellesit te Bulqizes, por sipas tyre eshte e pamundur per te nderhyre pasi zona krijon rrezikshmeri.
Përkeqësimi i motit, dëmtohet çatia e spitalit të Pukës
Çatia e spitalit të Pukës është dëmtuar ditën e sotme. Sipas informacioneve çatia është dëmtuar në masën 60%. Deri tani nuk raportohet për persona të lënduar.