Dëmet e shkaktuara nga dalja e lumit Osum kanë qenë të madha edhe në bashkinë e Poliçanit. 31 hektarë tokë u përmbytën, ndërsa 25 prej tyre vazhdojnë të jenë ende nën ujë.
Më problematike situata paraqitet në fshatrat Fushë-Peshtan dhe Tozhar, pasi u dëmtuan tërësisht urat pasarel që lidhin fshatrat me pjesën tjetër.
Një tjetër problematikë është edhe përmbytje në stacionin e pompimit të fshatit Mbrakull, i cili u dëmtua dhe doli jashtë funksionit. Aktualisht po punohet nga bashkia për të riparuar urat dhe për të riparuar dëmet e shkaktuara në stacionin e pompimit.
