Llum dhe baltë ka mbetur ditën e sotme në banesat ku uji është tërhequr në Fushë-Krujë.
Çdo gjë tani i ngjan një situate “lufte” pasi çdo mobilie apo automjet i banorëve është shkatërruar.
Gazetari i News 24 hyri në shtëpinë e një prej banorëve të Fushë-Krujës, i cili ishte me profesion punonjës policie në Shkodër
I prekur nga situata tmerruese që kaloi këto ditë, ish-punonjësi tha se ndihet shumë i zhgënjyer pasi është e dyta herë që i ndodh brenda vitit.
“Jam i zhgënjyer, kam shumë dëme materiale, dy herë brenda vitit u përmbytëm, edhe në vitin 97’ kur kam filluar punë mes plumbave s’kam qenë më keq. Më është shkatërruar çdo gjë. 15 mln lekë dëm tani, 15 mln dëm herën e parë, plot 30 mln lekë kam humbur,” u shpreh ai.
