Familja e Pëllumb Seferit në zonën e ish-Kënetës në Durrës e ka kaluar natën nën ujë, ndërkohë mëngjesin e sotëm ata janë përballur edhe me dëmet reale në banesën e varfër.
Shtëpia 1-katëshe është rrethuar nga uji, ndërkohë që brenda në shtëpi niveli i tij shkon rreth 30 cm apo dhe më shumë. Gjithçka është nën ujë, mobiljet dhe elektro-shtëpiaket kanë dalë jashtë funksionit.
I zoti i shtëpisë, Pëllumbi shpreson që autoritetet të ndërhyjnë që t’i largojnë të paktën ujin nga shtëpia, pasi kompensimi për dëmet sipas tij, ndoshta nuk do vijë asnjëherë!
