Ministrja e Arsimit, Lindita Nikolla u shpreh sot se mësimi do rinisë nesër, pas ndërprerjes javën e kaluar për shkak të reshjeve të shiut dhe përmbytjeve.
Nikolla tha se 27 shkolla në zonat e prekura nga përmbytjet, nuk do të zhvillojnë mësim as nesër, deri në një njoftim të dytë. “Si rezultat i masave të marra, është bërë e mundur që mësimi të rifillojë nesër, ditën e hënë”, tha Nikolla.
“Ka probleme në 27 shkolla, ku nuk do rifillojë mësimi”, tha ajo.
Ndër shkollat ku nuk do zhvillohet mësim nesër janë 5 në Vlorë, 2 në Kamëz, tre në Dibër, dy në Kukës dhe një shkollë në Krujë. Ndërsa për shkollat e tjera, mësimi do të vijojë normalisht ditën e nesërme, pas pezullimit dyditor për shkak të motit të keq.
Shkollat ku s’do ketë mësim për 5 ditë
KUKËS – Shkolla 9 vjeçare Fshat Grykë Çaji, Cikël i Ulët, Bicaj.
PUKË – Iballë
Fushë Arrëz – 9-vjeçare Fierzë
DIBËR – Katund i Ri, Luzi, Muhur, Radomirë
KRUJË – “Vesel Brama”, Nikël
TIRANË – Shkolla në Pezë, Kopshti B.Berisha, Ndroq, Niko Hoxha, Kamëz, Dritas, Zall Herr
KAVAJË – 9 vjeçare Golem
FIER – Lëvizja Demokratike, Povelç, Darzezë, Ferras, Xhavit Fetahu, Bishan, Boçovë, Pishë, Çerven, Rakip Kryeziu, Çlirim.
VLORË – Isamil Qemali, Novoselë, Kafil Malaj, Novoselë, Loni Mone, Novoselë, Deriba Derri, Selenicë, Sadik Zotaj, Selenicë.
