Teksa një pjesë e konsiderueshme e votave në “swing states”, apo siç njihen ndryshe shtetet kyçe që pritet të vendosin rezultatin e zgjedhjeve presidenciale janë numëruar, Donald Trump dhe Kamala Harris janë duke vijuar betejën.
Republikani Trump ka arritur të përmbysë rezultatin në Pensilvani kur janë numëruar rreth 50% e votave, duke grumbulluar mbi 50% të totalit. Trump ka përmbysur edhe Michiganin. Dy shtetet e lëkundura ku kryesonte Harris.
Sakaq, Trump udhëheq edhe në Wisconsin, Xhorxhia dhe Karolinën e Veriut ku po ashtu ka arritur të mbledhë mbi 50% të votave të numëruara deri më tani.
Numërimi ka nisur vetëm pak momente më parë në shtetin e Arizonës, ku për momentin ka një balancë mes dy kandidatëve, të cilët numërojnë rreth 49% të votave.Megjithatë gara mbetet ende e hapur pasi numërimi vijon, ndërsa në një tjetër shtet të rëndësishëm si Nevada numërimi ende nuk ka filluar.
