Rritet bilanci i viktimave nga moti i keq që ka përfshirë gjatë ditës së sotme Italinë.
Ka shkuar në 5 numri i viktimave dhe 2 persona rezultojnë të humbur.
Dy persona kanë mbetur viktima në provincën e Frozinones pas rrëzimit të një pemë mbi automjetin ku po udhëtonin ndërsa një i ri 21 vjeçar ka humbur jetën në provincën e Casertas nga rrëzimi i një peme ndërsa po ecte në këmbë në një rrugë të lagjes Fuorgrotta të Napolit.
Viktima e 4 është regjistruar në Terracina në bregdetin e Lazios.
Ndërsa një grua ka humbur jetën në qytezën Albisola Superiore në provincën e Savonas pasi është goditur nga një mjet i fortë në fluturim nga era e fortë.
Një person rrezulton i humbur në provincën e Cagliarit e një tjetër në provincën e Calabrias
Kryetarja e Bashkisë së Romës ka urdhëruar mbylljen e shkollave dhe për ditën e nesërme në të gjithë territorin e kryeqytetit italian.
17:56 -Italia përfshihet nga moti i keq, tre viktima
Italia është mbërthyer nga moti i keq me shira të shumta e erë të fortë pothuajse në të gjithë territorin.
Shkolla janë mbyllur në mjaft rajone italiane e Drejtoria e Mbrojtjes Civile informon për një përkeqësim të motit gjatë pasdites e mbrëmjes së sotme,
Në rajonin e Sardenjës era e fortë ka arritur mbi 160 km/orë shpejtësi duke regjistruar dëme në komunat Narcao e Villaperuccio ndërsa në Kalabri një person rezulton i humbur pas përmbysjes së barkës së tij me vela në afërsi të molit të Lido di Catanszaro.
Qyteti i Venecias është përmbytur në 70 % të sipërfaqes së tij e pritet që niveli i ujit të arrij në 160 cm. Governatori i rajonit të Venetos ka kërkuar ndihmën e qeverisë qendrore i preokupuar për reshjet e shumta të shiut që kanë kapërcyer 400 mm për metër kub.
Moti i keq e era e fortë ka ndaluar lëvizjen e trageteve në të gjithë rajonin e Toskanës e në komunën Castiglione di Pescaia, kryetari i Bashkisë i ka bërë thirrje banorëve të mos dalin nga banesat.
Në rajonin e Lombardisë rreth 400 persona fëmijë e personel janë evakuuar mëngjesin e sotëm nga një cerdhe në komunën Romano di Lombardia.
Në kryeqytetitn italian Romë e në të gjithë rajonin e Lazios shkollat janë mbyllur e era e fortë ka shkaktuar rrëzimin e pemëve e bllokimin e disa rrugëve. Një pjesë e autostradës A24 është mbyllur e probleme ka pasur në disa stacione metroje e në hekurudhën lokale Roma-Lido.
Shkolla janë mbyllur dhe në rajonin e Abruzzso për shkak të fryrjes e daljes nga shtrati të lumit Sangro.
Sistemi i mbrojtjes civile ka aktivizuar të gjitha nivelet territoriale për koordinimin e përballimit të motit të keq në të cilin është përfshirë vendi.
