Moti i keq dhe era e fortë që ka shkaktuar dallgëzim të madh kanë sjellë pezullimin e lundrimeve të linjës Durrës-Bari dhe anasjelltas.
Autoriteti portual bën me dije se bëhet fjalë për tragetet Adria Ferries dhe GNV, të cilat kanë anulluar lundrimet për shkak të detit me dallgë 7 deri në 8 ballë.
Ndërkohë peshkarexhat dhe anijet e tonazhit të vogël kanë anulluar lundrimet në drekë, për shkaka të pamundësisë për të lundruar.
Trageti Rigel VII është nisur nga Durrësi për në Bari rreth orës 13:05 të ditës së sotme, 10 orë para nisjes së zakonshme që bëhet në orën 23:00.
