Ish-presidenti Bujar Nishani, ka dalë në krah të ish-kryeministit Sali Berisha, pasi njoftoi një tur në mbarë vendin, pas largimit nga Grupi Parlamentar i PD nga kryedemokrati Lulzim Basha, me qëllim sipas tij rikthimin e sovranitetit partisë më të madhe opozitare në vend.
Së fundmi me anë të një postim në “Facebook”, Nishani ka një përgjigje për të gjitha tezat, që sipas tij po tentojnë të bëjnë diversion, në lidhje me takimet e Berishës.
Sipas Nishanit, teza e vetme që shtron kjo lëvizje është “A duhet që Lulzim Basha ti respektojë dhe dëgjojë anëtarët dhe strukturat e PD-së ?”.
“Ndaj Foltores dhe lëvizjes së Z. Berisha, po tentohet të ngrihen teza e diversione pa fund !
Shumica e tyre dalë nga kazani propagandës së Edi Ramës.
Në fakt teza dhe çështja e vetme që shtron kjo lëvizje është e thjeshtë dhe e qartë !
A duhet që Lulzim Basha ti respektojë dhe dëgjojë anëtarët dhe strukturat e PD-së ?
Kaq e thjesht është.
Ndaj kësaj gjithsekush ka të drejtën të pozicionohet PRO ose KUNDER.
Pa shumë spërdredhje ! 
”, shkruan Nishani.
