Pas lajmi të publikuar pak para mesnatës së mbrëmshme në portalin e Çim Pekës, ku paralajmërohej se një tjetër tërmet i fuqishëm do të godiste vendin dhe për këtë justifikohej duke iu referuar sizmiologut grek, Akis Tselentis, ka ardhur reagimi i gazetarit Aleksandër Marku.
Gazetari që intervisoi sizmiologun grek, në një postim në rrjetet sociale, ka përgënjeshtruar portalin e Çim Pekës, ndërsa thekson se “Sizmologu grek Akis Tselentis me tha saktesisht dhe kjo degjohet edhe ne intervisten qe publikoi TCH se nuk do kete termete me te medha , ai qe ra dje ishte kryesori. Ndersa tashme do kete lekundje te lehta.”
Postimi i plotë:
Mesoj se nje ëebsite ne Tirane ka shkaktuar panik me nje publikim te tij qe shkakton pervec te tjerash neveri, revolte dhe pikepyetje te medha per rolin e disa te ashtuquajturave media ne Shqiperi.
Mungesa e seriozitetit, pergjegjesise dhe detyres qe ka nje media per informim te sakte ne kete rast eshte jo vetem e denueshme moralisht.
Sizmologu grek Akis Tselentis me tha saktesisht dhe kjo degjohet edhe ne intervisten qe publikoi TCH se nuk do kete termete me te medha , ai qe ra dje ishte kryesori. Ndersa tashme do kete lekundje te lehta.
Nuk e kuptoj se si mund te shtremberohet e zeza mbi te bardhe nga disa sharlatane qe duhet te denohen penalisht me kete qe bene , pasi luajne me jetet e njerezve.Gjithashtu ju bej thirrje edhe qytetareve shqiptare te informohen vetem nga mediat qe ne vite kane treguar besueshmerine e tyre dhe pergjegjesine morale te lajmit qe transmetojne. Dhe TCH eshte nje prej tyre.
