Kryedemokrati Lulzim Basha ka transmetuar sot nga selia blu dëshminë me video të gazetarit Jetmir Olldashit, personit që ka bërë përgjimin e vëllait të ministrit të Brendshëm me dëshmitarin X, Albert Veliu.
“E vërteta është e rëndësishme, kjo është e vërteta, jo gënjeshtrat e Xhafajt as mashtrimet kriminale të Ramës. Rama dhe dje gënjeu pacipësisht, duke pretenduar se ai ka bërë në Surel ekspertizën dhe se i ka dalë falso, kur i kërkuan se ku e ka bërë ekspertizën ai heshti dhe u bëri bisht përgjigjes për gazetarët. Ai është pjesë e këtij komploti për të mbuluar veprat kriminale që kanë denoncuar, Agron Xhafaj është bosi i drogës në Vlorë. Kjo është arsyeja se pse u mbajt këtu në kundërshtim me vendimin e drejtësisë italiane deri sa ligji u ndryshua nga Xhafaj, ai u përcoll drejt Italisë.
Vepra tjetër përfshin direkt Xhafajn që ka shpenzuar kohën për të mbuluar veprat penale të vellait në një skenar kriminal. Cdo akt për moskallëzim krimi është një krim i rëndë i parashikuar nga ligjet e vendit, Xhafaj dhe Rama janë të dyshuar për veprën penale të mbulimit të veprimtarisë kriminale të Agron Xhafajt. Xhafaj qëndron në detyrë për të shkatërruar provat, për të joshur e intimiduar këdo.
Shpreh admirimin personal për shqiptarë kurajozë dhe gazetarë të klasit evropian, si Jetmir Olldashi, si Amrozia Meta dhe ata që përkundër presionit të madh të shpalosë të vërtetën tronditëse, qeveria është organizatë e strukturuar kriminale, me familjen mafioze Xhafaj që kontrollon trafikun e drogës në Vlorë.
Të shtunën ju ftojmë ju të bashkohemi në protestën kombëtarë për të çliruar vendin nga qeveria e lidhur me krimin, nga tirania e krimit të organizuar të bërë njësh me Xhafajn, dhe pushtetarë të tjerë të inkriminuar në vend.
