Ministri i Jashtëm i Koresë së Veriut, Ri Yong-ho, në një konferencë për mediat, ka folur për herë të parë pas bisedimeve mes presidentit amerikan, Trump dhe udhëheqësit të Koresë, Kim Jong-un. Sipas tij, bisedimet përfunduan pa marrëveshje, por pretendimet e tyre ishin realiste. Ai hodhi poshtë pretendimet e presidentit amerikan, Donald Trump, sepse sipas sipas tij koreano-veriorët ofruan përfundimin e testimeve të raketave bërthamore me rreze të gjatë dhe nuk kërkoi heqjen e plotë të sanksioneve gjatë samitit në Hanoi.
Sipas “The Washington Times” ai pohoi se kanë kërkuar lehtësim të pjesshëm të sanksioneve duke përfshirë pesë sanksione të U.N. lidhur me “ekonominë civile dhe jetesën e popullit të tyre” dhe nuk kërkuan heqjen e plotë të sanksioneve ekzistuese, në këmbim të çmontimit të kompleksit kryesor bërthamor, Yongbyon, nën monitorimin e mbikëqyrësve amerikanë. Ministri i Jashtëm theksoi se qëndrimet e tyre parimore do të mbeten të pandryshuara dhe propozimet nuk do të ndryshojnë kurrë, edhe nëse Shtetet e Bashkuara propozojnë negociata të tjera në të ardhmen.
Megjithatë Shtetet e Bashkuara këmbëngulin për të kundërtën. Presidenti Trump tha se Kim Jong-un i kishte ofruar atij çmontimin e kompeksit Yongbyon, mjediset kërkimore dhe prodhuese në qendër të programit bërthamor të Koresë së Veriut. Por, në këmbim Kim kërkoi heqjen e të gjitha sanksioneve, diçka për të cilën Shtetet e Bashkuara nuk ishin përgatitur.
