Ka përfunduar takimi i ambasadores Kim me disa nga deputetët e opozitës parlamentare, të cilët ishin thirrur për të dhënë mendimin e tyre në lidhje me marrëveshjen e arritur për Reformën Zgjedhore.
Deputetët e opozitës ishin shprehur kundër kësaj marrëveshje, nëse kushtet e tyre nuk plotësohen.
Pas përfundimit të takimit ka folur deputeti Myslim Murrizi, i cili është shprehur se nuk do të votojë reformën e re Zgjedhore, pavarësisht kërkesës së ambasadores.
“I thamë nuk votojmë asnjë lloj pazari. Do të votojmë kundër Reformës në Parlament. Nuk e mora vesh se çfarë kërkoi ambasadorja, nuk i lamë hapësirë kërkesave të saj. Nuk votojmë asgjë jashtë asaj që kemi kërkuar për 15 muaj, Listat e hapura, administrata zgjedhore dhe votat e emigrantëve janë kërkesat tona”, tha Murrizi.
