Piero Costia 75 vjeç, ndodhet pas hekurave në Italinë fqinje, i akuzuar për abuzim seksual me disa fëmijë. Mediat italiane raportojnë këtë të hënë, se janë mbledhur dëshmi të reja nga hetuesit që fajësojnë të moshuarin, ish trajner i futbollit të të rinjve në Pisa, Bientina e Pontedera.
Mes personave që ai ka abuzuar është edhe një shqiptar, sipas të njëjtave burime.
Raportohet se makina tip “Ford Focus” e 75-vjeçarit është djegur në shenjë hakmarrje nga një shqiptar dhe një italian në dhjetor, pasi i moshuari kishte abuzuar seksualisht me ta kur ishin në moshë 13-14 vjeç.
Sipas hetuesve, 75-vjerçari i merrte fëmijët në banesën e tij në Pisa e më pas abuzonte me ta.
