“Më përdhunoi, por duhet të mbroja nderin dhe reputacionin e familjes dhe prandaj vendosa të fejohem dhe martohem me të. Familjet tona u takuan disa herë, por lidhja jonë mori fund. Tentuam të organizonim një dasmë të përbashkët. Ai nuk pranoi dhe prandaj vendosa ta denoncoj A-në për dhunë seksuale. Mu desh të ndërprisja studimet dhe pas përdhunimit fillova të mendoja për vetëvrasje. Me ndihmën e një psikologu arrita të rimarr veten.”
Kështu rrëfehet E., 24-vjeçarja nga Shqipëria banuese në Itali gjatë gjyqit kundër saj. Kur ishte 18 vjeç, ajo u njoh me një djalë në Facebook:
“Një mbrëmje më përdhunoi. Isha njohur me familjen e tij dhe u kisha treguar gjithçka vëllezërve të mi. Kisha ndjenja, por nuk doja të bëja seks me të. U zura ngushtë. Fola me time motër për çfarë ndodhi. Supozohej të isha e virgjër kur të martohesha, por kjo s’mund të ndodhë më. Prisja që ai të vendoste që të fejoheshim,” thotë ajo.
Ngaqë kjo nuk ndodhi, e reja duhet të mbronte në një mënyrë nderin e saj dhe familjen dhe prandaj hodhi në gjyq atë që duhej të ishte i fejuari i saj. Gjërat s’morën fund me kaq dhe tani ajo ndodhet në karrigen e të akuzuarit, për shpifje.
Burimi: Riviera 24
