Partia demokratike duket se po kalon momentin e saj më të keq që pas themelimit.
Perpos humbjeve të njepasnjëshme, “furtuna” ndodhi pas shpalljes se Sali Berishes “non grata” nga SHBA dhe vendimit të Lulzim Bashës per ta perjashtuar ate nga grupi parlamentar i PD.
Që prej atij momenti, brenda partise jane krijuar grupime, të cilat edhe pse kerkojnë kryesisht ndryshimin e lidershipit, duken te vetedijshem për përçarjen e madhe qe po i krijojnë kesaj force politike.
Lulzim Basha, kryetari aktual i PD, vijon i palekundur se bashku me stoikët e tij Gazmend Bardhin, Grida Dumën, Jorida Tabakun, Alfred Rushajn, Enkeled Alibeaj e Agron Gjekmarkajn.
Sali Berisha nga ana tjetër ka arritur ti marrë Bashes plot 6 deputetë të grupit parlamentar. Mes tyre qendrojnë Flamur Noka, Edi Paloka, Tritan Shehu,Bujar Leskaj, Oerd Bylykbashi por edhe të tjere si Bujar Nishani, Aldo Bumçi e Gent Strazimiri.
Fatbardh Kadilli pasi humbi ne garen kunder Lulzim Bashës, lajmeroi nje dite me pare se ka forumuar “Iniciativen demokratike”, një levizje brenda PD qe nuk mbeshtet as Bashën e as Berishën. Deri tani, atij i është bashkuar vetëm Eno Bozdo.
“Grupimi per PD” që prej kohesh ka kerkuar doreheqjen e Lulzim Bashës duket ende i pavendosur. Ndonese Bujar Nishani është shfaqur ne krah të Berishës, të tjere si Edith Harxhi ende nuk jane pozicionuar.
Kritikë brenda partise dhe me asnjë prej palëve janë edhe emra si Agron Shehaj e Arben Ristani.
Ndërkohë që per ish figurat e PD, si Jozefina Topalli e Astrit Patozi, nuk duket të shihet një dritë jeshile për rikthimin e tyre, edhe pse sulmet ndaj lidershipit aktual vijojnë çdo ditë.
AlpeNews.al
