Selamet Mehmetaj ka treguar për Daily Mail se si funksionon tregtia e tij shumë milionëshe e kanabisit në Britani.
Baroni i drogës, siç e quan Daily Mail, Benzi i të cilit kushton £50,000 dhe është pa traga të përparme ka rënë dakord të takojë klientë të rinj pasi ata e kanë kontaktuar nëpërmjet faqes anonime në Instagram ku reklamon biznesin e tij.
28-vjeçari shpjegon se si çdo muaj ai furnizon tregtarët në të gjithë Mbretërinë e Bashkuar me 2,500 bimë kanabis dhe mbledh sytha për t’i shitur.
Më tej ai tregon se çfarë ndodh me ata që guxojnë ta “tradhtojnë” duke u mburrur me faktin se si i preu 2 gishta një klienti i cili nuk e pagoi dhe ja mori lekët para se t’ia priste këmbën.
Njihuni me ‘Djallin’, i cili po bën miliona nga biznesi i tij i shitjes së drogës me shumicë.
Në faqen e tij në Instagram “Albaninan Blood”, Mehmetaj ka treguar fabrikat e tij të kanabisit dhe ka postuar video për të nxjerrë në pah llojet e disponueshme, duke inkurajuar klientët e rinj të kontaktojnë.
Dhe siç shkruan media britanike, Instagram e hoqi faqen pasi u kontaktua nga Daily Mail.
Por ndërsa faqja ishte ende Live, gazetarët e fshehtë të Mail-it të paraqitur si klientë kontaktuan përmes aplikacionit të medieve sociale. Pas kësaj, Mehmetaj i takoi pranë shtëpisë së tij në Palmers Green.
Gjatë takimit ai ishte mburrur se iu shmang akuzës për armë zjarri, pavarësisht se policia kishte gjetur një armë ruse që e kishte futur kontrabandë nga Shqipëria dhe e kishte fshehur në makinën e tij, duke thënë se avokati i tij kishte përgatitur një histori duke pretenduar se arma nuk ishte e tij.
Veç kësaj ai i ka treguar se si i shpenzoi paratë nga biznesi i tij i paligjshëm për një mënyrë jetese “të shthurur” duke përfshirë një Mercedes-Benz CLA AMG prej 50,000 paund.
Mehmetaj, i cili është nga Tropoja, ka zhvilluar një perandori të lulëzuar droge në Mbretërinë e Bashkuar dhe një faqe në mediet sociale për ta promovuar atë.
Edhe pse faqja e tij “Albanian Bllod” që do të thotë “Gjak shqiptari” u fshi në Instagram, faqet e tjera të tij, të cilat nuk promovojnë kanabisin, mbeten aktive.
Ai tregoi për gazetarin e fshehtë të Daily Mail se si biznesi i tij lulëzoi gjatë bllokimit nga Covid sepse të gjithë ishin në shtëpi.
Mehmetaj shpjegoi se si çdo muaj ai rrit deri në 2500 bimë kanabis – të cilat ai i quan ‘foshnjat’ e tij – duke përfshirë ‘stardog’ me forcë të lartë dhe ‘tortën e dasmës’ super të fuqishme.
Ai tha se shet çdo bimë për 10-15 paund dhe bën miliona nga biznesi i tij.
Instagrami luajti një rol të madh në reklamimin e biznesit, tha Mehmetaj, duke shpjeguar se askush nuk e dinte se ai qëndronte pas faqes “Albanian Blood” e cila kishte pothuajse 1000 ndjekës.
Në profilin e tij në internet ai quhet “Djalli”.
“Kështu më quajnë mua,” tha 28-vjeçari.
Ai tregoi se nëse dikush thyen besimin e tij ‘është shumë keq’ dhe në një paralajmërim të fshehtë, përshkroi mënyrën se si e trajtoi një klient që nuk paguante, shkruan Daily Mail.
