Ish-anëtari i Këshillit Kombëtar të PD-së, Edvin Kulluri ka “shpërthyer” në akuza ndaj kreu të PD, Lulzim Basha, i cili sipas tij, është një kopje e zbehte e “Rilindjes”.
Sipas Kullurit, PS dhe PD janë e njëjta gjë dhe të dyja palët janë klientelë e të njëjtëve njerëz si këtu e si jashtë!
“Fatkeqësisht me shtrirjen e liberalizmit në të majtë dhe në të djathtë të politikës shqiptare, dallimet mes paleve thuajse janë shuar! Kjo ka qenë dhe ëndrra e tyre që para vitit 2005!
Në atë kohë PS parrullen kryesore kishte “reformat standarte” të shoqëruara me njëfarë stabiliteti makro-ekonomik të cilat e mbanin ekonominë në një rritje medioker rreth 3-4 %te PBB.
Argumenti tjetër ishte se privatizimi i ekonomisë po ecte njësoj si në vitet e para të qeverisjes së PD ‘92-97! Ndaj rotacioni ishte i panevojshem! Por rezultoi gabim.
Fushata e 2005 prezantoi PD si nje parti që shkonte përtej këtyre cliche-ve! Kërkesës për rrotacion ju përgjigjem me një program të qarte të uljes së taksave, derregullimit të procedurave burokratike, aksesit të gjere të qytetarëve tek shërbimet dhe një reformë fiskale që mundësoi në vitin 2007 mbledhjen e 1 miliarde USD më shumë në vit në buxhet!
Thithja e investimeve te huaja per shkak te reformave u kthye në realite të dukshem c’ka e dyfishoi rritjen e ekonomike.
Por pati edhe shumë e shumë reforma të tjera që patën edhe gabime, por që gjithësesi “shkundën” disa sektorë si ekonomine rurale, shendetësinë, arsimin etj.”, shkruan Kulluri.
Ai thekson se sot jemi me keq se në 2005 dhe se tashmë debat sistemesh qeverisjeje s’ka!
