Ndonëse shumë vende të botës kanë ndërprerë vaksinimin e fëmijëve, në vendin tonë ky program vijon.
Përmes një postimi në ‘Facebook’ ministrja e Shëndetësisë, Ogerta Manastirliu thekson se programi i vaksinimit vijon po u ndalur, pavarësisht situatës në të cilën ndodhemi për shkak të COVID-19.
“Edhe pse në situatë të pazakontë, #vijon pa u ndalur programi i vaksinimit të fëmijëve në qendrat shëndetësore me kujdes të veçantë në konsultoret e fëmijëve👩🏻⚕️ 👶 💉”, shkruan ministrja.
Kujtojmë se pak ditë më parë UNICEF ngrite shqetësimin se shumë vende kishin pezulluar programin e vaksinimit, ndërsa ngrihej alarmi se pas COVID, rrezik evident kishte dhe nga shpërthimi i një epidemie fruthi. Në mesin e vendeve që kanë vendosur të shtyjnë vaksinimet për fruth, janë: Bangladeshi, Brazili, Bolivia, Kamboxhia, Etiopia, Somalia e të tjera. “Ndërprerja e vaksinimit rutinor do të rrisë rrezikun që fëmijët të kontraktojnë sëmundje vdekjeprurëse”, tha pak ditë më parë zëdhënësja e UNICEF-it, Joanna Rea.
