Përmes një postimi në rrjetin social, ish deputeti Astrit Patozi ka ironizuar hapur kryetarin e PD-së Lulzim Basha duke përdorur si “armë” pemët e mbjella nga kryebashkiaku Erjon Veliaj.
Patozi shprehet se është lajm i mirë që më në fund Basha ka dëgjuar fjalën e Berishës për të mbledhur fillimisht Këshillin Kombëtar përpara Kongresit të PD-së, por sërish atij i bën habi sesi ka mundësi se anëtarët e Këshillit të selisë blu, më shumë duken në foto përkrah Veliajt duke mbjellur pemë.
Patozi i është referuar kësaj fotoje, ku gjatë mbjelljes së pemëve, Veliaj ka qenë përkrah njërit prej koordinatorëve të PD-së Ardian Isufi.
