Aksioni “Pastrojmë Shqipërinë Turistike” është zhvendosur në llixhat e Urës Vajgurore, ku mori pjesë edhe ministri i Turizmit, Blendi Klosi.
“Duhet të zgjidhim një herë e përgjithnjë çështjen e depozitimit të mbetjeve në shtretërit e lumenjve. Po punojmë që 5 bashkitë e Beratit të kenë një vend-depozitim, në mënyrë që shtretërit e lumenjve të mos na kthehen në vend-depozitim mbetjesh. Në projekt-buxhetin e vitit që vjen po punojmë që të parashikojmë dhe një fond për një vendgrumbullim për bashkitë e Beratit”, tha ministri Klosi.
Ai theksoi se aksi turistik i llixhave të Urës Vajgurore nuk pastrohen me një ditë, por duhet kujdes i vazhdueshëm dhe mbi të gjitha mbeturinat të mos derdhen në lumenj.
