Situata e krijuar nga COVID-19 në vendin tonë po jep efekt në ekonomi, duke ndikuar në shumë sektorë të saj.
Një ndër to është edhe ai i hotelerisë në qytetin e Peshkopisë në zonën e qendrës Balneare. Pronarët e hoteleve apo banesave që lëshohen me qira për frekuentuesit e llixhave thonë se kjo pranverë për ta ka shkuar dëm, pasi gjithçka u mbyll që në fillim të marsit.
Sikur të mos mjaftonte kjo, ata shprehen se nuk po marrin asnjë prenotim për sezonin e vjeshtës. Kjo sipas tyre për shkak të deklaratave se koronavirusi mund të rikthehet në shtator – tetor.
