Situata e dhunshme para Kuvendit të Shqipërisë ka bërë që FNSH dhe autobotët e ujit t’i drejtohen vendit të protestës për të shpërndarë turmën. Më herët, qindra protestues të opozitës sulmuan kordonin e policisë ku i plagosur mbeti edhe një efektiv. Me veprime të çrregullta, një grupim hodhi në drejtim të Kuvendit mjete të forta.
Raportimet LIVE tregojnë kundërpërgjigjen e policisë përmes gazit lotsjellës. Si pasojë e akteve para sallës së seancave plenare ka mbetur i plagosur të paktën një polic si dhe kanë shfaqur probleme në frymëmarrje disa protestues. Ndërkohë që të pranishëm nuk janë drejtuesit e opozitës. Lulzim Basha, Monika Kryemadhi dhe kryetarët e partive të tjera opozitare kanë shkëputur komunikimet me mediat dhe nuk ndodhen në terren.
