Katër ditë para zhvillimit të zgjedhjeve lokale të 30 Qershorit, bashkia e Shkodrës paralajmëron KZAZ-të në mënyrë të ripërsëritur që të mos tentojnë që të futen në ambientet që kanë përcaktuar për këtë funksion, pasi nëse do të tentojnë një veprim të tillë do të shkelin ligjin. Në vendet që janë përcaktuar për KZAZ-të janë vendosur njoftimet e bashkisë.
Në shkresën e firmosur nga Voltana Ademi theksohet se bashkia po zbaton dekretin e Metës që anuloi zgjedhjet, prandaj asnjë individ i paautorizuar të mos tentojë qëë të hyjë në asetet (ambientet) në pronësi të bashkisë. “Jemi të vendosur ti menaxhojnë ambientet në zbatim të ligjit 139/2015 “Për vetëqeverisjen vendore”.
Në cdo rast që do të cenohen institucionet, të gjithë shkelësit do të kallëzohen penalisht. Objektet janë të paprekshme pa lejen e bashkisë” thuhet në njoftim që mban datën e sotme. Javën e kaluar në Shkodër u shënuan përplasje mes punonjësve të bashkise dhe policisë së shtetit, ndërsa njërës prej KZAZ-ve iu vendos flaka.