Rusia vijon ende të mbajë të rrethuar qytetin e Mariupol-it në Ukrainë, duke lënë mijëra civilë pa ushqim e ujë.
Kapiteni ukrainas, Svystoslav Palmar, ka thënë të dielën se forcat ruse po vazhdonin të bombardojnë qytetin e Mariupolit, duke nënvizuar nevojën për evakuimin e civilëve dhe ushtarëve.
“Krishti u ringjall, e dashur Ukrainë,” tha ai. “Sot është një ditë e madhe, por edhe kështu, armiku vazhdon të lëshojë bomba ajrore, anijet qëllojnë artileri, topat, tanket e armikut vazhdojnë të godasin, këmbësoria përpiqet të sulmojë.”
Palamar shtoi: “Ne dëshirojmë të falënderojmë ata që po përpiqen të ndihmojnë civilët e Mariupolit të evakuohen nga kjo zonë e rrezikshme, me veprime, jo vetëm fjalë. Falënderoj ata që po bëjnë çdo përpjekje për të tërhequr ushtrinë tonë nga rrethimi, të cilët mbetën vetëm me forcat dërrmuese të armikut”.
Regjimenti Azov , i referuar ndonjëherë si Batalioni Azov, është një njësi që filloi si një batalion vullnetarësh ultra-nacionalist, por që atëherë është integruar në forcat e armatosura të Ukrainës.
Trupat e Azov kanë qëndruar në uzinën e rrethuar të Mariupolit në Azovstal , së bashku me forcat e tjera ukrainase.
Këshilltari presidencial ukrainas Mykhailo Podolyak tha më herët se forcat ruse po “sulmojnë vazhdimisht” fabrikën e rrethuar të çelikut Azovstal në Mariupol të dielën e Pashkëve.
Zyrtarët ukrainas kanë thënë se rreth 100,000 civilë kërkojnë evakuim nga qyteti, i cili është shkatërruar nga bombardimet ruse me javë të tëra.
