Pas publikimit në Alpenews.al të fototve që tregonin magazinën prej mijëra metrash katrorë në Lagjen 14, në Shkozet të Durrësit, e cila është njëa nga 16 pronat e padeklaruara nga Rovena Gashi, kanë vërshuar me qindra komente nga qytetarët e irrituar.
Bëhet fjalë për një pronë e cila i është dhënë me qera një firme të njohur italiane, e cila kryen aktivitet në fushën e fasonerisë.
Kjo magazinë është pjesë e një liste pronash që nuk janë deklaruar sipas detyrimit ligjor që ka çdo prokuror dhe gjyqtar në Shqipëri qoftë një herë në vit pranë Inspektoriatit të Lartë të Kontrollit dhe Deklarimit të Pasurive të zyrtarëve të lartë e qoftë për efekt të procesit të vettingut që po zhvillohet në sistemin e drejtësisë.
Rovena Gashi, ish drejtoresha e Drejtorisë së Marrëdhënieve Juridiksionale me Jashtë dhe e Dekriminalizimit në Prokurorinë e Përgjithshme gjatë kohës që institucioni drejtohej nga Adriatik Llalla, akuzohet nga mediat se ka fshehur plot 16 prona me një vlerë mbi 2 milionë euro. Bëhet fjalë për një pallat të tërë në zonën më të shtrenjtë të plazhit të Durrësit, 14 apartamente tek Shkëmbi i Kavajës, dhe dy ambjente për biznes një lagjen nr. 14 në Durrës.
Publikimi i fotove dhe provave ekskluzive për magazinën prej mijëra metrash katrorë ku zhvillon aktivitet kompania italiane Lovers Albania, ka ngjallur interes shumë të madh nga lexuesit dhe ka shkaktuar një furtunë të vërtetë në rrjet me komentet e tyre.
Lexoni më poshtë, disa prej tyre: