Që nga dita e djeshme rrjeti ka gëluar nga deklarata e Genta Kaloçit (këtu), e cila në njëfarë mënyre i gëzohej vdekjes së djalit 18-vjeçar të shkrimtares Flutura Açka, vetëm se kjo e fundit thoshte disa të vërteta të dhimbshme rreth diktaturës së Hoxhës.
Por, si duket Kaloçi nuk është e vetme në rrjedhën e mendimit të saj, pasi sot i është bashkuar edhe Arben Duka, autor i shumë veprave poetike.
Në një shkrim të botuar në gazetën “Dita”, Arben Duka është në një linjë me Kaloçin kundër ballistëve, zogistëve dhe të përndjekurve politikë pa marrë parasysh dhimbjen e tyre.
Duka shkruan:
Unë them se këta derra duhen futur në tharkë dhe duhen gdhendur mirë. Ne ua dimë trimërinë ballistëve, zogistëve, të përndjekurve dhe gjithë sojit e sorollopit të tyre. Këta duhen rrahur tani sa janë kulishë, se po u bënë sa Saliu nuk ke ç’u bën më. Pres që qeveria të reagojë, ndryshe këtej e tutje nuk do ta kenë mbështetjen time dhe ndofta as të mijëra veteranëve.”
Sakaq numri i “sorrollopëve” siç i quan Arben Duka përllogarite të jetë diku te rreht 60 mijë shqiptarë të internuar në kampe përqendrimi, 34 mijë të burgosur dhe të dënuar në bazë të bindjeve politike dhe 6 mijë të vrarë në kohën e diktaturës.
