Ish-kryeministri Sali Berisha ka akuzuar kryeministrin Edi Rama, se po miraton masat e egra antishqiptare të Vuçiçit në Kosovë.
Gjatë një prononcimi për mediat Berisha foli për shqiptarët e Preshevës, Medvegjës e Bujanovcit ku tha se presidenti serb Aleksandar Vuçiç po kërkon të ripopullojë këto treva shqiptare me refugjatë nga territore të tjera të Ballkanit dhe kjo sipas tij po bëhet me miratimin e Ramës.
“Kam denoncuar me përgjegjësinë me të madhe qëndrimet albanofobe të Vuçiçit dhe Ramës ndaj shqiptarëve të Preshevës, në këtë periudhë mjalti midis këtyre dy zyrtarëve më të lartë.
Regjimi i Vuçiçit ka ndërmarrë masa antishqiptare ndër më të egrat që ka njohur Presheva, Bujanvoci, Medvegjia.
Ai synon ripopullimin e këtyre trevave të pastra shqiptare me refugjatë nga trojet e tjera të Ballkanit. Në dhunim të ligjit dhe Kushtetues, regjimi Vuçiçit ka zëvendësuar udhëheqësit vendorë legjitim me vasalë të tij, të cilët marrin në një mbledhje 50 e ca vendime të diktuara nga Beogradi, të miratuara nga Edvin Kristaq Rama”, – tha Berisha.
