Zbardhen detaje të reja nga arrestimi i gjyqtarit Shkëlqim Miri. Policia e Tiranës ndalon edhe kushërinë e tij, shtetasin Kujtim Miri.
Miri u ndalua me urdhër të Krimeve të Rënda pasi dyshohet se ka pasur rolin e sekserit.
Ndalimi është bërë me urdhër të Prokurorisë së Krimeve të Rënda. Burime nga Prokuroria thanë se priten arrestime të tjera.
Shkëlqim Miri është ndaluar me urdhër të Prokurorisë së Krimeve të Rënda gjyqtari të cilit iu gjetën në banesë gjatë një kontrolli rreth 34 milion lekë të reja.
Pas kontrollit të banesës që ju bë në orët e para të mëngjesit, gjyqtari u ndalua nga policia dhe aktualisht ndodhet në qeli. Me ndryshimet e reja ligjore, ndalimi apo arrestimi i një gjyqtari mund te behet edhe pa autorizimin e Këshillit të Lartë të Drejtësisë. Më herët ishte KLD që pasi shqyrtonte kërkesën e prokurorisë autorizonte ose jo arrestimin. Tashmë në mbledhjen e radhës KLD-ja mund të vendosë thjeshtë pezullimin e gjyqtarit.