Ministria e Bujqësisë ka marrë masa ndaj drejtorit të AKU-së dhe disa inspektorëve për shkelje flagrante të ligjit. Kështu ka komunikuar nëpërmjet një deklarate për mediat ministri Niko Peleshi i cili tha se pas denoncimit qytetar dhe verifikimeve AKU-ja në Fier ka qenë në kundërshtim me ligjin dhe se ka urdhëruar marrjen e masave për personat përgjegjës.
“Një rast që ka forcën e bashkëqeverisjes me qytetarët. Nisur nga denoncimi qytetar në qarkun e Fierit kam urdhëruar drejtorin e AKU-së të ndërhyjë për të bërë verifikimet e nevojshme. Dje dhe sot, mbas denoncimit qytetar, rezulton se veprimtaria AKU-së në Fier ka qenë në kundërshitm flagërant me ligjin. Për rrjedhojë kam urdhëruar marrjen e masave në mënyrë të menjëhershme, duke filluar nga drejtori i AKU-së duke vazhduar me inspektorët përgjegjës. Jemi të vendosur ti japim fund kulturës së fajeve pa fajtor, sidomos në kontrollin ushqimor.
Po ashtu Peleshi ka bërë thirrje për mbështetjen e kësaj reforme edhe nga forcat e tjera politike.
Siguria ushqimore është një për të gjithë. Ka lidhje me shëndetin dhe të ardhme. Nuk do të mirëkuptoja, madje do të apeloj të gjitha forcat politike që nëse deri më sot nuk e kanë gjetur forcën ti bashkohen programeve tona qeverisëse. Duhet të bëjmë një pakt kombëtar, jo politik dhe të mos ndalojmë një reformë që me shpejtësi po jep rezultate.