Shërbimi i Brendshëm i Burgjeve ka arrestuar dy punonjës të burgut të Reçit, të cilët dy ditë më parë u denoncuan për korrupsion nga emisioni Stop. Në pranga kanë rënë Arnaldo Hoxha dhe Mario Laloshi, të dy me funksionin specialist-psikolog në sektorin e çështjeve shoqërore.
Hoxha dhe Laloshi u denoncuan nga kamerat e fshehta të emisionit investigativ “Stop” duke marrë para në këmbim të disa shërbimeve. Hoxha mori 20 mijë Lekë në këmbim të ndikimit të tij në raport-vlerësimin e sjelljes së të burgosurve. Nga ana tjetër, Laloshi ishte përgjegjës për kontaktet e të burgosurve me familjarët.
Të dy u pezulluan nga detyra menjëherë sapo u denoncuan nga emisioni Stop.
