Drejtuesi politik i Partisë Demokratike në Dibër Xhelal Mziu ka ushtruar vullnetin e tij për të votuar.
Ai premtoi se nga nesër qytetarët do të jenë të lumtur nëse do të zgjedhin ta votëbesojnë koalicionin opozitar.
Mziu tha se ky vend ka nevojë për ndryshim, ndaj sipas tij qytetarët duhet të dalin masivisht në votime për të sjellë alternativën politike për të cilën ai kandidon.
“Unë sapo votova për të ndryshuar Dibrën, Shqipërinë.
Ftoj të gjithë Dibranët, të djathtë e të majtë të dalin dhe të votojnë masivisht për të ndryshuar Shqipërinë.
Dita e sotme duhet të jetë një ditë shprese, një feste për të gjithë”, tha ndër të tjera Mziu. (TemA)
