Një vijim të operacionit ‘Denas’ që u finalizua dy ditë më parë policia ka proceduar duke nisur hetimet në gjendje të lirë për katër zyrtarë. Në hetim janë vendosur;
S.Z. me detyrë Inspektor pranë Inspektoratit Shtetëror të Mjedisit, Pyjeve, Ujrave dhe Turizmit Korçë,
M.B me detyrë teknik i pyjeve për zonën e njësisë administrative Voskopojë, Lekas në sektorin pyjor pranë Bashkisë Korçë,
F.B. me detyrë roje i pyjeve për zonën e mësipërme,
I.A. me detyrë kryetari i fshatrave Denas dhe Xerje.
Të proceduarit akuzohen për moskallëzim krimi dhe shpërdorim detyre. Dy ditë më parë u arrestuan dy persona dhe u sekuestruan 4 armë zjarri.
Të arrestuarit janë K.H. 57-vjeç në fshatin Denas dhe dhëndri i tij E.I 30-vjeç banues në fshatin Lekas të Korçës. Ata akuzohen për kultivim të lëndëve narkotike si dhe armë mbajtje pa leje.
Nga kontrolli u gjet dhe u asgjësua kanabisi që kishin kultivuar në zonën midis fshatrave Denas dhe Punmirë.
