Partia Demokratike ka nxjerrë nga redaksia kryeredaktorin e gazetës Rilindja Demokratike Bledi Kasmi. Selia blu e ka dërguar atë me mision në Krujë ku thotë se ka zbuluar mashtrimin e qeverisë për shpërndarje ndihmash.
Kasmi thekson se deri në orët e mbrëmjes së djeshme në Fushë – Krujë të vetmit që kanë shpërndarë ndihma ishin përfaqësuesit e Kryqit të Kuq, të cilët kanë siguruar 70 racione ushqim në një lagje të Fushë-Krujës.
Deklarata e PD
I dërguari i Partisë Demokratike në Krujë, Bledi Kasmi, vuri në dukje mashtrimin e qeverisë për shpërndarje ndihmash në Fushë-Krujë.
Z. Kasmi thekson se deri në orët e mbrëmjes së djeshme në Fushë – Krujë të vetmit që kanë shpërndarë ndihma ishin përfaqësuesit e Kryqit të Kuq, të cilët kanë siguruar 70 racione ushqim në një lagje të Fushë-Krujës.
Në një status të tij në facebook, z.Kasmi thekson:
“I mbyturi të mbyt. Kreu i Grupit Parlamentar të Partisë Socialiste thotë se ka ngritur grup pune për vlerësimin e dëmeve dhe përmbytjeve në Nikël dhe se sipas tij rezulton e vetmja Njësi pa përmbytje në Fushë-Krujë.
Por Kasmi thekson:
“Deri tani nuk ka mbërritur asnjë ndihmë për të përmbyturit e vërtetë në Bubq dhe katër lagje të Fushë-Krujës”.
Banorët në Bubq, thotë Kasmi, kanë nevoja të menjëhershme për ushqime dhe për të larguar ujin nga shtëpitë. “Situata është mjaft e vështirë sepse me mbytjen e bagëtive nuk kanë asnjë mjet për të siguruar jetesën”, vëren i dërguari i PD në Krujë. Z. Kasmi shton se: “Në këtë situatë vjen përgjigja e qeverisë përmes të dërguarit të Ramës, Balla, që ashtu si shefi i tij krihet në face book dhe thotë se ka ngritur grup pune atje ku nuk ka pasur fare përmbytje”!/ tema
