Seanca e opozitës për të debatuar lidhur me angazhimet e Presidentit të Kosovës për përfshirjen e “korrigjimit të kufijve” në dialogun në mes të Kosovës dhe Serbisë, do të vazhdojë të sot. Kryetari i Kuvendit të Kosovës vendosi mbledhjen e seancës plenare sot në 10:00, për shkak se një ditë më parë nuk ishte kuorumi i duhur i deputetëve për nisjen e saj.
“Nuk kam mund ta hap seancën, nuk janë 61 deputetë, kjo është arsyeja. Çështja është që nuk po mundemi fare të futemi në seancë dhe çështja e dytë është se grupet parlamentare duhet të koordinohen mes tyre, ju e dini saktë sa deputet keni, ka edhe një qëndrim politik nga partnerët e koalicionit që iu ka dhënë një mundësi, iu kisha lut të na jepeni një qartësi“, është shprehur Veseli.
Veseli insistoi në propozimin e tij, duke thënë se do të ishte mirë që të mbahet një mbledhje e kryesisë dhe nëpërmjet një koordinimi të mbahet një seancë e përbashkët në mes pozitës dhe opozitës.
