Jelekverdhët protestuan sërish sot në Paris dhe pas ndërhyrjes së policisë me gaz lotsjellës, protestat shpërthyen në dhunë fizike.
Protestuesit i vunë flakën kazanëve të mbeturinave, motoçikletave dhe veturave që ishin të parkuar përgjatë marshimit të tyre, si dhe hodhën gurë në drejtim të policisë.
Kjo është java e 23-të që jelekverdhët dalin të protestojnë në rrugët e Francës.
Autoritetet franceze kanë vënë një numër të shtuar të forcave policore paraditen e sotme me rreth 5 mijë efektivë vetëm në pikat kryesore të Parisit.
Vetëm në orët e mbasdites raportohet nga mediat franceze se janë arrestuar 126 persona, ndërkohë që rreth 11 mijë protestes po pritet t’i bashkohen protestës nga qytetet e tjera franceze.